Deklaracja (nr. 2 / 1. 2002)
Romane Lumiakire (Svetytkone)Parlamentoski; Skopie 19.01.2002

    31.01.2002 / Ame Roma 39 themendyr, save kedyjam amen pe kedypen ando foro Skopie dre Lumiakiro (Svetytkone) Romano (Svetytko) Parlamento, kerdiam dyskusja khetanes e romane liderenca, save dziven ando Makedonia, vaš e sytuacja Romengi ande kodo them. Parlamento astardia informacja vaš e bibax, savi kerel-pes e Romenge ande Makedonia. Romano  Lumiako (Svetytko) Parlamento lija vola kaj te paruvel kodo bibax sytuacja thaj ande kodo  akceptyndia kodo dokumento (Deklaracja nr. 1/19/2002), savo sy syr kamlipen savore Romengo.

O Roma kedyme ando Parlamento phenen:

I. Romano Lumiako(Svetytko)Parlamento pacial, so ando Makedonia javela kerdy kontynuacja ando demokratykane buatia, ando proceso savo isy te jandel ando kodo them thaj ando kodo regiono stabilizacja politykany. 

II. Javela realizyme ando praktyka o Dogovoro Orhidsko.

 III. Dela-pes patyv, (javena respektyme)  maškarthemutne dokumenty sar:

 * Dokumento Kopenhagako (1990-pkt.31)

* Konvencja vaš Ohrona Tyknedyre Nacjengi (minorytetengi) e beršestyr 1994

* Deklaracja vaš Cacipen  manušengo save isy Tyknedyr Nacji thaj Grupy Etmikane (1992-art2)

* Deklaracja vaš Cacipen (Pravo) Chavorengo (1989 -art. 29)

* Deklaracja UNO vaš Cacipen minorytengo thaj etnikane grupengo (1992 - art. 4 ust. 3)

* Konvencja Europaki vaš Manušikane čačipena (1950 -  art. 10 ust 1)

* Deklaracja UNO vaš Cacipena Manušikane  (1948 - art. 1948 art.18

 thaj javir internationalnone lienge thaj konvencjenge.

 IV. Ame Roma kedyme ando Romano Lumiako (Svetytko) Parlamento, das amari vola, kaj te keras khetanes buti e makedoniakire themesa thaj internationalnone instytucjenca, te khosas e bibax dre savi rakhen-pes o manuša themeskire thaj o Roma ande Makedonia.

 V. Ame Roma pacias kaj javela kerdo saro, kaj te bariol dre Makedonia  o proceso bidariakire dziipnasko (mirno), thaj putravela-pes drom  savore manušenge, kaj te dziven ando integracja thaj javena respektyme ande kodo them standarty europakire thaj internationalna.

 VI. Ame pacias, so o guverno makedoniako khetanes europakire thaj lumiakire instytucjenca khosela saro odova, so na del normalizacja manušengire dziipnaske thaj paruvela e sytuacja pe fededyr e Romenge ando kodo them.

 VII. Ame pacias, so  e guvernos, themytkone rajen thaj e manušende javela vola politykani , savi  dela zor e manušenge kaj te dziven ando integracja, bi dariako ando patyv maškar peste.

 VIII. Romano Lumiako (Svetytko) Parlamento khetanes Internationalnone Romane Uniasa (IRU) kamel te kerel kooperacja, khetyni buti e makedoniakire guvernosa, svi sy te kerel stabilizacja ando politykani sytuacja, kamen te javen ando butia, save dena šansa pe fededyr dziipen makedoniakire manušenge vi e Romenge.

 IX. Ame Roma pacias kaj e instytucji humanitarna, politykane, europakire thaj lumiakire, zoriakirna e butia, save paruvena e politykani sytuacja dre Makedonia, kerena projekty kaj ando kodo them thaj javir thema ando Balkany te bariol maškar manušende na darano dziipen (miro), manušikane Cacipena thaj inegracja.

 *Kodo dokumento (lil) isys kerdo ando 19.01.2002 ke Skopie ando Makedonia.

Akceptynde les savore manuša kedyme ando Romano Lumiako (Svetytko) Parlamento.